Estas interese al mi, ke la tradukinto elektis la formon "pantaklo" kiel unu de la kromnomoj de AŬRINO. Mi serĉis la vorton en Tekstaro kaj ĝi montris neniun trafon, ankaŭ ne pri "pentaklo". Ŝajne kaj PIV2020 kaj ReVo enhavas nur la formon "pentagramo", kaj pantaklon kaj pentaklon mi trovis nur en Vikipedio. Rilate tradukaĵon mi malŝatas la uzon de vortoj netroveblaj en ĉefaj vortaroj, ĉar tio ne nur ĝenas fluan legadon kaj malfaciligas komprenon, ĝi povas eĉ tute malebligi tiun komprenon se ne ekzistas similforma vorto en konata lingvo de la leganto.

@persikoreplum Nu, ĉar mi konas la vorton el mia denaska, mi povas rimarki, ke pentaklo povas esti okultista talismano ĝenerale (ne nepre pentagrama) kaj ĝi ankaŭ estas unu el la nomoj de unu el emblemoj de tarokaj kartoj. Ĉu tio klarigas ĝian elekton por traduko, ĉu malklarigas, mi ne scias. 😀