Ĉi tiuj firmaoj investas enormajn monsumojn en aŭtomatigaj iniciatoj kaj laborist-gvatanta programaro. Ilia prefero por apo-regata kromlaboro pelas malemfazon de salajre pagata laboro favore al necerta, teĥnologie arbitraciata part-tempa modelo. Iliaj platformoj starigas regulojn, aŭ ties manko, kiuj regas niajn komunikadon, amuzaĵojn kaj komunumojn.

Sed se vi avertas pri io ajn el ĉi tio, oni stampos vin kontraŭ-teĥnologiema, aŭ kontraŭ-progresema. Oni nomos vin luddisto. Nuntempe, la termino estas uzata kiel epiteto por iu kiu malamas aŭ ne komprenas novan teĥnologion – sed tio ne povus esti pli malproksima al la historia vero. La luddistoj komprenis teĥnologion nur tro bone; ili ne malamis ĝin, sed ja la manieron kiel ĝi estis uzata kontraŭ ili.

— Blood in the Machine de Brian Merchant (4%)