Recenzoj kaj komentoj

Elizabeto, forkuru!

Nun li volas venĝi la morton de Justino 🤦

Finfine ne vere gravas ĉu Justino estis kulpa aŭ ne. Kio gravas por la rakonto estas tio, ke Viktor kredis ŝin senkulpa kaj li faris nenion por haltigi ŝian mortopunon.

Kie damne troviĝas la kreaĵo??

Pli ŝoke ol la infana aĝo de Atrejo estas, ke Kajrono surpriziĝas kaj preskaŭ freneziĝas eksciinte la aĝon de la elektito de la Infana Imperiestrino: "Infano! Malgranda knabo!"... Kara... Ĉu vi ne rimarkis, ke la imperiestrino mem estas fakte infana?

"Ĉu la INFANA Imperiestrino vere sciis, kion ŝi faras, kiam ŝi elektis INFANON kiel vin". Ulo..., pripensu momenton, ĉu?

Do en la kulturo de Atrejo ne ekzistas apartigado laŭ genraj roloj -- oni klare asertas, ke kaj knaboj kaj knabinoj estas edukataj en samaj valoroj, taskoj kaj penoj. Ili ĉiuj devas pruvi sian kuraĝon kaj fariĝi ĉasistoj.

Kaj, nu, oni ne forgesu, ke la unua estaĵo, kiun leganto renkontas en Fantaziujo, estas laŭlitere "nek vireto nek virineto, ĉar tiaj diferencoj ne ekzistas" en sia popolo.

Estas interese al mi, ke la tradukinto elektis la formon "pantaklo" kiel unu de la kromnomoj de AŬRINO. Mi serĉis la vorton en Tekstaro kaj ĝi montris neniun trafon, ankaŭ ne pri "pentaklo". Ŝajne kaj PIV2020 kaj ReVo enhavas nur la formon "pentagramo", kaj pantaklon kaj pentaklon mi trovis nur en Vikipedio. Rilate tradukaĵon mi malŝatas la uzon de vortoj netroveblaj en ĉefaj vortaroj, ĉar tio ne nur ĝenas fluan legadon kaj malfaciligas komprenon, ĝi povas eĉ tute malebligi tiun komprenon se ne ekzistas similforma vorto en konata lingvo de la leganto.

Do Fantaziujo estas regno, kiu havas imperiestrinon... Ĝenas min do, ke oni ne nomas ĝin imperio!

Cetere, neniu ino (homa aŭ ne) partoprenis ankoraŭ en la rakonto -- oni menciis la mortintan panjon de Bastjano kaj kompreneble la Infanan Imperiestrinon, sed ili ne havas voĉon (nek nomon) ĝis nun.

Ikiko estas la plej ŝatinda el la kvar kurieroj. Ne pro tio, ke lia veturilo estas la plej rapida, sed pro tio, ke li estas ĝentila ekde la komenco kaj fakte intencas kunvojaĝi kun la aliaj eĉ malgraŭ tio, ke li devus malrapidigi sian helikon por sukcesi pri tio. Ĉiuj el la aliaj tri decidas forlasi lin malantaŭe ĉar ili ne kredas lian aserton, ke lia heliko kapablas kuregi. Kaj poste, kiam li renkontiĝas kun Vuŝvusulo en la Ebura Turo, li nek kaptas tempon nek profitas okazon por moki lin, Ikiko daŭre kondutas ĝentile... Malgraŭ tio, ke ili ĉiuj forlasis lin en malluma arbaro!