Plena manlibro de Esperanta gramatiko

PMEG sendube estas kilometroŝtona, epoĥ-difina verko pri lingva flanko de Esperanto. La aŭtoro Bertilo havas raran kombinon de kapabloj unuflanke rimarki kaj profunde kompreni kiel Esperanto funkcias, kaj duaflanke tion ekspliki en klara kaj facile komprenebla maniero. La libro provizas multajn ekzemplojn kaj kontraŭekzemplojn, kio helpas bone kompreni, kaj buntigas la teorian traktadon.

Aldone, la libro estas libera kaj senpage disponebla interrete, kio ebligas al preskaŭ ĉiu ajn studi ĝin. Pro tio ĉio, PMEG estas nemalhavebla helpilo por ĉiu esperantisto, kiu seriozas pri siaj lingvaj kapabloj.

PMEG ne estas tia libro, kiun oni povas tralegi (krom se oni estas supergramatikulo!), sed ĝi estas tre detala priskribo de Esperanto kompilita de persono kiu tre bone konas nian lingvon kaj kiu scias ĝin klare priskribi. De tempo al tempo mi havas okazon serĉi klarigon pri gramatika fenomeno en PMEG kaj mi plejofte (kvankam ne ĉiam) konsentas pri la klarigo donita.