La dek principoj de milita propagando, jam difinitaj de Lord Ponsonby dum la unua mondmilito, estas efike ĝisdatigitaj, klarigitaj, ilustritaj de Anne Morelli historiisto, honora profesoro en la Libera Universitato de Bruselo. Legante ĝin oni povas konstati, ke de 1914 ĝis la nunaj militoj en Ukrainio kaj Palestino, la rimedoj de milita propagando evoluis, sed ties principoj daŭre validas.

La lingvo estas sufiĉe bona, sed nu ... ne temas pri beletraĵo.

@Tjeri Interese. Ĉu vi povus tute mallonge listigi tiujn principojn?

@kallekn 1. Ni ne deziras militon 2. Nur la alia flanko respondecas pri la milito 3. La malamiko havas la vizaĝon de la diablo 4. Noblan kaŭzon ni defendas kaj ne proprajn interesojn 5. La malamiko konscie kaŭzas kruelaĵojn, niaj misagoj nevole estas faritaj 6. La malamiko uzas malpermesitajn armilojn 7. Ni suferas malmultajn pereojn, tiuj de la malamiko estas egaj 8. La artistoj kaj intelektuloj subtenas nin 9. Nia kaŭzo havas sanktan karakteron 10 Tiuj, kiuj dubas pri nia propagando estas perfiduloj